Menu

Invitation for Job Fair Program as Participant

ጆብፌር (Job Fair) ላይ ተሳታፊ እንዲሆኑ ስለመጋበዝ

መንግስት በሀገር አቀፍ ደረጃ የከፍተኛ ትምህርት ዘርፍን የጥራት ደረጃ በማሻሻል የምሩቃንን የመቀጠር እድል በአምስተኛው የትምህርት ሴክተር ልማት መርሀ ግብር ከ8ዐ% በላይ ለማድረስ በከፍተኛ ትምህርት  ባለሙያዎች የቅድሚያ ቅድሚያ ሊሰጣቸው ከሚገባቸው ውስጥ አንዱ የተማሪዎች የሙያ ማበልጸግያ ማዕከል (Students Career Development Center-SCDC) ሆኖ በሀገር አቀፍ ዩንቨርሰቲዎች እንዲቋቋሙ አድርጓል፡፡

በአዲስ አባባ ዩኒቨርስቲ የተማሪዎች የሙያ ማበልጸጊያ ማዕከል ተማሪዎቻችን ወደ ሥራ ዓለም የሚያደርጉትን ራዕይ ተኮር ጉዞ በፍላጐት ላይ በተመሰረተ ችግር ፈቺ በሆኑ ጥናትና ምርምር በመደገፍ በሙሉ ስብዕናና የኔነት ታንጸው እንዲወጡ በማድረግ ተመራቂ ተማሪዎቻችን በስራው ዓለም የሚኖራቸውን ተወዳዳሪነትና ድርጅቶችም በሚፈልጉትና በሚተማመኑበት ቁመና በማብቃት፣ በማዘጋጀት ከመቼውም ጊዜ በበለጠ በሚያሳድጉ የእውቀት ክህሎት (soft skill) ስልጠናዎች ጭምር ብቁ ሆነው እንዲወጡ በማድረግ  አዲስ አበባ ዩኒቨርስቲ እየሰራ ይገኛል፡፡

በመሆኑም ይህን በሀገር አቀፍ ደረጃ በሁሉም ዩኒቨርሲቲዎች እየተተገበረ ያለውን ስራ ከዳር ለማድረስ ተመራቂ ተማሪዎቻችንን ከቀጣሪ ድርጅቶች ጋር በማገናኘትና አውታረ መረብ (Network) ለመፍጠር ባዘጋጀነው የስራ ቅጥር ኤግዚቢሽን  ዝግጅት ላይ ተገኝተው ተወዳዳሪ ተማሪዎችን በሚፈልጉት የስራ መስክ በግንባር ተገኝተው በመቅጠር በዚሁ አጋጣሚ ምርቶንና ድርጅቶን በማስተዋወቅ እንዲሁም ከሌሎች አጋር ድርጅቶችና ከዩኒቨርስቲው ማህበረሰብ ጋር አውታረ መረብ (Network) በመፍጠርና ለሚፈልጉት ሥራ ዘርፍ ብቁ የሆኑ ተመራቂ ተማሪዎቻችንን ለመመልመል ብሎም ለመቅጠር እንዲችሉ ከግንቦት 14 እስከ 17 ቀን 2011 ዓ.ም በአዲስ አበባ ዩኒቨርስቲ ዋናው ግቢ (በ6 ኪሎ)  በምናዘጋጀው  ኤግዚብሽን  ላይ እንዲገኙ በዩኒቨርስቲው ስም በአክብሮት ተጋብዘዋል፡፡ ለሚደረገው ዝግጅት ቦታ እንድናዘጋጅሎትና ነገሮችን እንድናመቻች ድርጅቶ በኤግዚብሺኑ ላይ ስለመካፈሉ አስቀድሞ እስከ ግንቦት 02/2011 ዓ.ም እንዲያሳውቀን በአክብሮት እንጠይቃለን፡፡   

ለበለጠ መረጃ፡ 

E-mail: careerdevelopment@aau.edu.et

Tel: 251-111223860፣ Mob. 0913017744/0911181080