Menu

To all distance & extension Graduate and undergraduate students

ለ፡ አዲስ አባባ ዩኒቨርሲቲ የማታና የርቀት ትምህርት የቅድመ-ምረቃና ድህረ- ምረቃ ተማሪዎች በሙሉ

ጉዳዩ፡ የኮቪድ-19ን ስርጭት ከመከላከል ጎን ለጎን የማታና የርቀት ትምህርት ፕሮግራሞች
የመማር ማስተማር ስራዎች መቀጠላቸውን ስለማሳወቅ፣

የኮቪድ 19 ስርጭትን ለመከላከል የሁለተኛ ሴሜሰተር የክፍል ውስጥ የመማር ማስተማር ሂደት ከተቋረጠ ጀምሮ የማታና የርቀት ትምህርት ፕሮግራሞች በኢሜይልና የተለያዩ አማራጭ መንገዶችን በመጠቀም መቀጠሉ ይታወቃል፡፡ የአዲስ አበባ ዩኒቨርሲቲ የበላይ አመራር ከኮሌጆች ዲኖች እና ከኢንስቲቲዩቶች ዳይሬክተሮች ጋር እ.አ.አ በ22 ኤፕሪል 2020 በGoogle Meet ቪዲዮ ኮንፈረንስ ባደረገው ስብሰባ የኮቪድ-19ን ስርጭት ከመከላከል ጎን ለጎን የመማር ማስተማር እና የመመረቂያ ጽሁፍ የማማከር ሥራዎችን ማካሄድ እንዴት ይቻላል በሚለው ጥያቄ ዙሪያ ሰፊ ውይይት ካደረገ በኋላ የማታና የርቀት ትምህርት ፕሮግራሞች የማስተማርና የማማከር ተግባራት በኢሜይልና የተለያዩ አማራጭ መንገዶችን በመጠቀም የመማር ማስተማር ስራዉ ተጠናክሮ መቀጠል እንዳለበት ውሳኔዎችን አሳልፏል፡፡

ስለዚህ የአዲስ አባባ ዩኒቨርሲቲ በማታና በርቀት የምትማሩ የቅድመ-ምረቃና ድህረ-ምረቃ ተማሪዎች በሙሉ በየትምህርት ክፍሎቹ ከተመደቡላችሁ አስተማሪዎች እና አማካሪዎች ጋር አማራጭ የመገናኛ መንገዶችን በመጠቀም እየተገናኛችሁ ትምህርታቸሁን እንድትከታተሉ እና የመመረቂያ ጽሁፍ ስራዎቻችሁን እንድትሰሩ የተከታታይና ርቀት ትምህርት ቢሮ ያሳስባል፡፡

ከሠላምታ ጋር

ሙላት አስናቀ (ዶ/ር)
የተከታታይና ርቀት ትምህርት ቢሮ ዳይሬክተር
አዲስ አባባ ዩኒቨርሲቲ